تبلیغات
ساختار 110 - روستای زنوزق به زبان شعر

شعری اززبان عباس ثابت درباره روستای زنوزق ((ماسوله آذربایجان))

                                  به نام ((آی زنوزاق))

ایللر بویو اوزاق دوشسم ائلیمدن            آدین دوشمز یقین بیر آن دیلیمدن

ائی اودلار مسکنی توت بیر الیمدن             قویما یاخسین منی هیجران زنوزاق

بیرده بو روزیگار یتیرمز تایین             گوزلدیر بهارین، گوزلدیر یایین

هر گؤزلدن چوخدو گؤزللیک پایین            قالمیشام حوری سن، قیلمان زنوزاق

آسلانلار یوردوسان ،غئیرت معدنی            "مجیدین"،" مورادین" آنا وطنی

سن منی آتساندا ،آتمارام سنی                  من سنه وورغونام اینان زنوزاق

آلمالارین بالدیر، ارییین شکر            داشلارین مرجاندیر ،توپراغین گوهر

یارانمیشلارینان فرقین وار مه یر        عالمی قویموسان حئیران زنوزاق

گونو گوندن اوجا باشین اوجالسین             ائللر، شاعیر اوغلون سسینی آلسین

تورپاغیندا قویما بیر تیکان قالسین        باش قالدیرسین لالا ریحان زنوزاق

صفالی باغلارین جنّته تایدی                     هر یئرین چیمندی، چئشمه دی، چایدی

سنده یاشایانلار دئیه سن آیدی               یوخسا بؤلونموسن آیدان زنوزاق

تانری یا آند اولا ایکی گوزومسن               دیلیمین ازبری، شیرین سوزومسن

سن منیم روحومسان، منیم اوزوم سن          هم روحوموز بیردی، هم جان زنوزاق

اورک آرزیم بودور، غمین اولماسین            اولو تانری سنی گؤزدن سالماسین

اوخوسون بولبوللر، گوللر سولماسین            هر یئرین اولسون آل- الوان زنوزاق

سنی دونیالارلا دییشمه رم من                یاشیمدان کئچه رم، کئچمرم سندن

من " هارای" ام عشقیم سنسن ائی وطن         من سندن دونمه ­رم بیر آن زنوزاق

برگرفته از کتاب ( اؤزگه باغلایان یارا) عباس ثابت ( هارای ) نشر اختر چاپ اول 1387




طبقه بندی: روستای زنوزق- ماسوله آذربایجان، عمومی، اجتماعی - فرهنگی،

تاریخ : پنجشنبه 8 خرداد 1393 | 07:03 ب.ظ | نویسنده : وحدت اسعدی زنوزق | نظرات

ابزار هدایت به بالای صفحه

تمام حقوق این وبلاگ و مطالب آن متعلق به ساختار 110 می باشد.